ماساة حافظ

-" المقامة الجرمانية"..أو " مأساة حافظ "-
                          ***************

يا ناري عليهم..يا ناري
في جُرّة  "منصب وزاري"..
مَخْضوا..مَخْضوا..
جات  الزّبدة..
لْطَشْها.." ياسين العياري"..!!
..تكلّم  " حافظ "..قال غدرْني..
هالّلي حسبتو..خويا وجاري..
غدرني..وهوّ الّلي هنّاني
فْ" ألمانيا " يكون انتصاري..
غدرني وطعنّي في ظهري
حطّمني وشتّت أفكاري..
غدرني  وانا الّلي حبّيتو
وهديتو " أجمل أشعاري"..!
..وراح يشكي لباباه في قصرو..
" يا بابا خوذ ليّا بثاري..
يا بابا موش آنا وليدك..
يا بابا  رد اعتباري..
يا بابا راي ناري تشعل..
يا بابا طفّيلي ناري..
يا بابا افعل ما تفعل...
..فَعّل "قانون الطواري"..؟!
.....................
خزرْلو" رشودة" وهو يتبسّم :
" تسخالوها لعب ذراري..؟؟
هاذي دُفعة.. وغدوة الباقي..
يجيكم ع ا" الحساب الجاري"..!!
++++++++++++++++
(قفصة 2017/12/20)